سندھ کے مختلف سرکاری محکموں کی 15 ہزار گاڑیاں اصلی نمبر پلیٹس کے بغیر ہونے کا انکشاف

کراچی(ہم صفیر نیوز)سندھ کے مختلف سرکاری محکموں اور اداروں کی 15 ہزار گاڑیاں اصلی نمبر پلیٹس کے بغیر استعمال ہونے کا انکشاف ہوا ہے، محکمہ ایکسائز سندھ کے پاس 80 ہزار نجی و سرکاری گاڑیوں کی نمبر پلیٹس موجود ہیں۔تفصیلات کے مطابق 15 ہزار سرکاری گاڑیاں اصلی نمبر پلیٹس کے بغیر استعمال ہونے کا انکشاف ہوا ہے۔ سرکاری گاڑیوں کی اوریجنل نمبر پلیٹس سندھ کے محکموں نے وصول نہیں کی۔محکمہ ایکسائز نے بھی گاڑیوں کی اصل نمبر پلیٹس وصول نہ کیے جانے کی تصدیق کردی۔رپورٹ کے مطابق وفاقی و صوبائی محکموں اور سندھ پولیس کی گاڑیاں 4 سال میں رجسٹرڈ ہوئیں، سندھ پولیس کے زیر استعمال 8 ہزار گاڑیوں میں اوریجنل نمبر پلیٹس نہیں۔ سندھ پولیس کی موبائلز اور دیگر گاڑیاں مختلف شہروں میں زیر استعمال ہیں۔رپورٹ میں کہا گیا کہ وفاقی و صوبائی محکموں کی رجسٹرڈ 7 ہزار گاڑیوں کی نمبر پلیٹس وصول نہیں کی گئیں، بغیر اوریجنل نمبر پلیٹس کے گاڑیاں استعمال کرنے والوں میں سینئر افسران شامل ہیں۔دوسری جانب ایکسائز سندھ کے پاس 80 ہزار نجی و سرکاری گاڑیوں کی نمبر پلیٹس موجود ہیں۔سرکاری گاڑیاں فینسی و ڈپلیکیٹ نمبر پلیٹس پر چلائی جارہی ہیں۔ اوریجنل نمبر پلیٹس وصول نہ کرنے والوں میں محکمہ تعلیم، محکمہ ثقافت، سروسز اینڈ جنرل ایڈمنسٹریشن، ریلوے اور ایوی ایشن ڈویڑن کے محکمے شامل ہیں۔

Facebook Comments

POST A COMMENT.